文／林淳華
戴台中市豐原區學老人，感謝山線社大客語賞析課先生羅月鳳、東勢人巫茂熾修改本文。（大埔腔）
𠊎在苗栗縣三義樂齡學校學匹克球，這項運動毋單淨係老人家个運動，係青銀使得共下學習个。因為三義个球友當煞猛練習，𠊎在美國有看著有一種拈球个筒，因致做兩個筒分三義球友來用，乜希望有一日，苗栗縣政府使得在三義鄉規劃一隻正式个球場，鼓勵客家球友。
𠊎在苗栗縣建中國小學匹克球，既經兩年咧，毋過，匹克球在美國發展有60年个歷史咧，這滿美國搞匹克球个人最多个城市係：紐約、奧斯汀、拉斯維加斯。比論講奧斯汀，匹克球係球場同俱樂部當多，當多社區球場係毋使開錢，球場在奧斯汀街路項，拍球了後，使得食好食个、啉麥酒、聽樂團表演。
𠊎看著三義球友長在練發球同殺球，拈球當艱苦，𠊎看著美國人用匹克球拈球筒，自家在臺中東勢試做看。仰脣在東勢做？因為有當多農業工具同材料東勢正有賣，比論接梨紅个安全接刀，東勢五金行有賣各式各樣个材料，𠊎拜託一個戴東勢个精密機械產業退休副總設計製作，買著四米長水管鋸四節同四隻彈簧，同一個退休个做回收个頭家借電烙鐵同電鑽分副總使用，在水管鑽兩孔，總共開330箍，𠊎乜送大梨分佢做回收个頭家，準做等路。
三義鄉隔壁个銅鑼鄉既經有正式个匹克球場，三義球友比銅鑼个球友較多，30外個人有時在建中國小練習，有時在火車頭橋下拍球，厥等無固定个位所拍球、放球具，所以對拈球筒偎電火楯，因為拈球筒係有需要个正知仰脣用，毋使驚人偷走，厥等當珍惜𠊎做个拈球筒，當感心！
建中國小郭主任講：「樂學忘齡生活靚，幸福微笑身體好。」𠊎同三義球友拍球學著，發撇球了後，毋好想愛企進前，殺球毋好躍，乜毋好翹一隻腳，雙腳貼地，保持平衡，還有看隊友走到哪片，跈緊隊友徙到哪片。過來，練球乜學著人生道理，做事親像練球時地面項个球，做事做毋撇，球乜拈毋撇，有成時，愛準做無看著。𠊎同三義球友學著拍球个孔竅同人生道理，期待未來，有機會同三義球友在正式个球場繼續拍球！
華語
我在苗栗縣三義樂齡學校學匹克球，這項運動不只是老人運動，是青銀共學。因為三義球友認真練習，我從美國看到使用一種撿球筒，所以就自製兩筒給三義球友使用，也希望有一天，苗栗縣政府可以在三義鄉規劃一個正式球場，鼓勵客家球友。
我在苗栗縣建中國小學匹克球已經兩年，不過，匹克球在美國發展已經有60年歷史，現在美國打匹克球最多人的城市有紐約、奧斯汀、拉斯維加斯。譬如奧斯汀，匹克球球場和俱樂部很多，很多社區的球場是免費使用，球場在奧斯汀街上，打完球之後，可以吃美食、喝啤酒、聽樂團表演。
我看到三義球友常常在練習發球和殺球，撿球很辛苦，我看到美國人用匹克球撿球筒，自己在臺中東勢做看看。為何在東勢做呢？因為有許多農業資材在東勢買得到，例如高接梨嫁接的安全接刀，東勢五金行賣各式各樣的材料，我拜託一位住在東勢、機密機械產業退休副總設計製作，買四米長水管鋸四節、四個彈簧，向一位退休做回收的老闆借電烙鐵、電鑽給副總使用，在水管鑽兩孔，總共花了330元，也送新興梨給回收老闆當作禮物。
在三義鄉鄰近的銅鑼鄉已經有正式的匹克球場，三義球友比銅鑼球友還要多，30多人有時候在建中國小練習，有時候在火車站橋下打球，他們沒有固定的打球和放球具的地點，所以將撿球筒放在電線桿旁，因為撿球筒是有需要的人才會使用，不怕人偷走，他們相當珍惜我做的撿球筒，非常感動！
建中國小郭主任說：「樂學忘齡生活美，幸福微笑身體好！」，我和三義球友打球學到，發完球之後，不要想要站前面，扣殺不要跳躍，也不要翹一隻腳，雙腳要著地，保持平衡，還有看到隊友跑到哪邊，要跟著跑到哪邊。再來，練球也學到人生道理，工作像是練習時地面上的球，工作做不完，球也撿不完，有時候，要當作看不到。我和三義球友學到打球技巧和人生道理，期望未來，有機會在正式球場繼續打球。
