文／魏芯芃，國中九年生畢業班，桃園龍潭客家人（四縣腔），感謝邱鴻春先生指導客語寫作
𫣆俚經歷所有个事情，差毋多都係𫣆俚个選擇所決定。賈伯斯選擇休學、抽間在資訊摎設計，最尾打造出改變世界个蘋果公司；馬拉拉為著女性个受教權發聲，就算分人攻擊也無打卵退，代當多个女性爭取改變命運个機會；曼德拉選擇對抗種族隔離政策，就算分人關二十七年，本本堅持信念，包尾為南非帶來平等个天擘爧。這兜故事證明，人生个方向毋係命運安排，實在係選擇累積个結果。
就像這張圖片，兩條分人關在籠仔肚个倉鼠，一條放勢在輪仔項走，看起來當認真，毋過還係無法度進前；另一條在籠仔脣，伸出爪仔試探外背个世界，就像在尋出口。佢兜處境相同，嗄因為選擇無共樣，未來也完全無共樣。一條選擇原旦个所在緊走，就像當多人表面煞猛，實際上無求進步；另一條願意主動觀察世界、想愛改變个人，就算係無確定，乜勇敢行出熟事、舒爽个位所。
學會勇敢選擇，對選擇負責，係成長過程中最重要个課題。國小升國中該下，𠊎面對人生第一擺較大个選擇。大部分同學享受畢業前輕鬆个時節，𠊎選擇報考私立國中。為著準備考試，𠊎愛提早開始複習，別人在該搞尞，𠊎淨做得認真讀書。有成時也會疑狐恁樣个辛苦敢有價值，但係𠊎牙根咬等堅持下來，包尾順利錄取理想个學校。回想該段日仔，𠊎了解哩：分𠊎行上無共樣个道路，毋係天分抑係好運，其實係在關鍵个時節做出个選擇。𠊎選擇煞猛打拚，就定著愛承受代價，故所乜享受著成果帶來个成就感。
轉到一開始講著个三儕人，佢兜做出決定个時節，也無法度知結果，但係佢兜相信自己个信念，勇敢選擇心肝肚認為著个方向。現實生活肚，有兜人有資源摎才華，嗄選擇跈等水流流流流流、毋願改變，最尾在「走輪仔」肚困著，緊重複無法度正經進前。選擇，斷真做得決定命運，但係更加關鍵个係，在選擇過後，敢有勇氣堅持到底，迎接挑戰，毋會儘採放棄。
選擇係人生最關鍵个能力之一，勇敢選擇，係改變命運个起點。做得行較遠个人，毋係逐擺選擇著个人，其實係肯對選擇負責、繼續打拚个人。𫣆俚無法度推測未來，毋過做得把握這下。從每一擺選擇開始，累積改變人生个力量。就像該條伸出爪仔个倉鼠，勇敢選擇、堅定向前行，𫣆俚一定做得行出自己个精彩人生。
華語
我們經歷的一切，幾乎都由我們的選擇所決定。賈伯斯選擇休學、專注於資訊與設計，最終打造出改變世界的蘋果公司；馬拉拉為女性的受教權發聲，即使遭受攻擊也不退縮，替無數女孩爭取改變命運的機會；曼德拉則選擇對抗種族隔離政策，即使被囚二十七年，仍堅持信念，終為南非帶來平等的曙光。這些故事證明，人生的走向不是命運安排，而是選擇累積的結果。
就像這張圖片，兩隻被關在籠中的倉鼠，一隻拼命奔跑在滾輪上，看似努力，卻始終無法前進；另一隻則靠在籠邊，伸出爪子試探外面的世界，彷彿在尋找出口。牠們處境相同，卻因選擇不同，未來也截然不同。一隻選擇原地打轉，如同許多人表面努力，實則安於現狀；另一隻象徵願意主動觀察世界、突破現況的人，即使不確定，也勇於走出舒適圈。
學會勇敢選擇，並對選擇負責，是成長過程中最重要的課題。國小升國中時，我面臨人生第一次較大的抉擇。當大多數同學享受畢業前的輕鬆時，我選擇報考私立國中。為了準備考試，我得提早開始複習，別人在玩樂，我只能埋首書本。有時也會懷疑這樣的辛苦是否值得，但我咬牙堅持，最終順利錄取理想的學校。回想那段日子，我明白了：讓我走上不同道路的，不是天分或運氣，而是關鍵時刻做出的選擇。我選擇努力，就必須承擔代價，也因此享有成果帶來的成就感。
回到一開始提到的三位人物，他們做出決定時，也無法預知結果，但他們相信自己的信念，勇敢選擇心中認為對的方向。現實中，有些人擁有資源與才華，卻選擇隨波逐流、不願改變，最終困在「跑輪」中，不斷重複卻無法真正前進。選擇，真的能決定命運，而更關鍵的是，在選擇之後，是否有勇氣堅持到底，承擔挑戰，不輕言放棄。
選擇是人生最關鍵的能力之一，而勇敢選擇，是改變命運的起點。真正走得遠的人，不是總做出正確選擇的人，而是願意對選擇負責、持續努力的人。我們無法預測未來，但能掌握現在。從每一次選擇開始，累積出改變人生的力量。就像那隻伸出爪子的倉鼠，勇敢選擇、堅定前行，我們終將走出自己的精彩人生。
